منتدى طيور الفينيق السوري

منتدى شبابي

السادة الزوار انتقل المنتدى الى الرابط www.syrian-phoenix.com

    أمثله شعبيه سوريه جميله

    شاطر
    avatar
    Zios
    إدارة
    إدارة

    عدد المساهمات : 185
    تاريخ التسجيل : 21/01/2010
    العمر : 29
    الموقع : جبلة الله يحميها

    أمثله شعبيه سوريه جميله

    مُساهمة من طرف Zios في السبت يناير 23, 2010 10:59 pm

    فمن الامثال الشائعة

    1- خذ الاصيلة ونام على الحصيرة

    2- يللي بيجرب المجّرب بيكون عقلو مخّرب

    3-طول عمرك يا تينة مجعلكة

    4-الحية آلت للدودة تضربي على هالآمة الممدودة

    5- يآخد الارد على مالو بيروح المال بيصفى الارد على حالو

    6-طب الجرة على تما بتطلع البنت لامها

    7- ما كل مرة تسلم الجرة

    8- دق القرفة ولا صباح السلفة

    9-كومة حجار ولا هالجار

    10-متل السيل بيغدر بالنهار والليل

    11-شو ماطبخت العمشى جوزا بتعشى

    12- من قلة تدابيره خلطت حنطته مع شعيره

    13-طلطميس مابيعرف الجمعة من الخميس

    14- لما فرقوا العقول كل واحد عجبوا عقلوا ولما وزعوا الارزاق ماحدا عجبه رزقوا

    15- يللي بيلاعب القط بدو يتحمل خرميشو

    16-بعد ماكانت خادمة صارت في البيت حاكمة

    17- مثل القردة وشاكلة براسها وردة

    18-قرعة ومشطها نص ذراع

    19- آل ليه غيرانة وحيرانة وعيونو جوا غطسانة

    20-قال خطبوها تعززت تركوها تندمت

    21ـ الفاضى يعمل قاضى

    22ـ بصلة المحب خروف

    23ـ العبد فى التفكير والرب فى التدبير

    24ـ باب النجار مخلع

    25ـ ان غاب القط العب يا فار

    26ـ كول فول وارجاع للأصول

    27ـ ما منه خير دخانه بيعمي

    28ـ ضربتين عللا الراس بتوجع

    29ـ البيت بيت ابونا والغرب يطردونا

    30ـ صيت غنى ولا صيت فقر

    وهي كمان

    * قال الي بجي لعنا اهلا وسهلا والقلب اله هزاز والما بجي لعنا لا اهلا ولا سهلا ولا القلب اله معتاز *
    * القرصـة بغضة ولو كـانت من أصابيع فضة , والعضـة محبـة ولو كـانت من أسنان كلبـة *
    * الكويسـة كويسـة مـن فيقـت منامـا و البشعـة بشعـة من طلعـة حمامـا *
    * مكتر صحابي يوم كرمي دبس.. وما قل صحابي يوم كرمي يبس *
    * قالتلا يا ستي خديني معك ، قالتلا لو صح لستك الروحـان *
    * أنا وابن عمي على الغريب وأنـا وأخوي على ابن عمي *
    * اللي بزورنا بحل البركة و اللي مـا بزورنـا بخفف لبكة *
    * العتب مو عليك العتب عاللي سلمك دقنو تنتف فيـا *
    * الجاهل بيفعل بنفسه متل مـا بيفعل العدو بعدوه *
    * ستي أجتى الرزيه بتاخد الخضرا وبتعيف الطريـه *
    * ديك واقف عالبركه بضحك عالناس وهو ضحكـه *
    * ال بدخل بين البصلة وقشرتا ما بنوبو الا ريحتا *
    * من بيت شقاع لبيت رقاع لبيت وجاع الصعبه *
    * قالوا لو للديك صيح قال كل شي بوقتوا حلوا *
    * قالوا العاطل صير منيح قال بيصرلي إسمين *
    * طول مـا جوزي معي بدير الفلك بأصبعي *
    * اللي إلو راس عند الرواس مـا بنام الليـل *
    * طـب الجرة على تمها بتطلع البنت لأمها *
    * الرجال في البيت رحمة ولو جاب فحمة *
    * عيشة الفهيم مع البهيم سقم وعمى *
    * بس ما طولت دقن ابنك حلوق دقنـك *
    * إحترنى يـا أقرع منين بدنا نمشطك *
    * كـل مين بتجوز أمي بسميه عمي *
    * اذا احتجت للكلب قللو يا حج كلب *
    * إذا ردت تفضح سرك سلموا لمرة *
    * عصفور بالأيد ولا عشرة عشجرة *
    * البقع مالسطوح بتسلقاه الأرض *
    * أنا متل الفريك مـا بحب الشريك*
    * البيشتغل بأكلو يا سعادة أهلو *
    * احلوق بالفاس ولا تعتاز للناس *
    * خذوا البنات من صدور العمات *
    * السعد لما بيجي بكسر الباب *
    * كلامو متل الفستق الفاضي *
    * لا تقول فول ليصير بالمكيول *
    * من فاتو اللحم عليه بالمرق *
    * أمشي مع السعيد بتسعد *
    * كل ديك على مزبلتوا صياح *
    * الي عندوا طبيعه ما بيبيعا *
    * البغير عادتو بتقل سعادتو *
    * ابن الحلال عن ذكره بيبان *
    * لاتبيع جلد الدب لتصطاده *
    * الآدر هجروه ولا فجره *
    * الله يسعدو و يبعدو *


    ودمتم سالمين....

    avatar
    VeNuS
    مدير
    مدير

    عدد المساهمات : 210
    تاريخ التسجيل : 21/01/2010
    العمر : 43
    الموقع : جبلة عروس الساحل السوري

    رد: أمثله شعبيه سوريه جميله

    مُساهمة من طرف VeNuS في الأحد يناير 24, 2010 12:42 am

    يسلمون جنرال وفقك الله
    avatar
    alnothom
    مدير
    مدير

    عدد المساهمات : 350
    تاريخ التسجيل : 23/01/2010
    العمر : 40

    رد: أمثله شعبيه سوريه جميله

    مُساهمة من طرف alnothom في الأحد يناير 24, 2010 5:41 am

    مشكور ابو محمد الغالي
    avatar
    b7her
    عضو جديد
    عضو جديد

    عدد المساهمات : 23
    تاريخ التسجيل : 23/01/2010
    العمر : 25

    رد: أمثله شعبيه سوريه جميله

    مُساهمة من طرف b7her في الأحد يناير 24, 2010 11:08 pm

    الله عليك شو هالأمثال الحلوة
    مشكوور كتير
    avatar
    Zios
    إدارة
    إدارة

    عدد المساهمات : 185
    تاريخ التسجيل : 21/01/2010
    العمر : 29
    الموقع : جبلة الله يحميها

    رد: أمثله شعبيه سوريه جميله

    مُساهمة من طرف Zios في الأربعاء يناير 27, 2010 11:39 pm

    هلا بالشباب منورين
    avatar
    PIRATES
    عضو جديد
    عضو جديد

    عدد المساهمات : 77
    تاريخ التسجيل : 21/01/2010

    رد: أمثله شعبيه سوريه جميله

    مُساهمة من طرف PIRATES في الإثنين فبراير 08, 2010 10:28 pm

    يسلمو كتير عجبوني الله يوفقك
    avatar
    هوى الشام
    نجم المنتدى
    نجم المنتدى

    عدد المساهمات : 114
    تاريخ التسجيل : 21/01/2010
    العمر : 28
    الموقع : أموت من دونك .. و أموت وياك .. أفارقك أو أفارق حياتي ... خيروني بين ( موتي و فرقاك ) .. و انا ادري ؟؟ !! بالخيارين الموت آتي

    رد: أمثله شعبيه سوريه جميله

    مُساهمة من طرف هوى الشام في الأحد فبراير 14, 2010 8:58 pm

    مشكور ابن العم على جهودك
    أمثال جميلة كنا نسيانينا

      الوقت/التاريخ الآن هو الإثنين أبريل 23, 2018 6:04 am